اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے وزیر اطلاعا ت شبلی فراز کے بیان پر ردعمل کا اظہار کرتے ہوئے کہا ہے کہ عمران صاحب نے چینی چور چارٹرجہاز میں بٹھا کر لندن فرار کرادیا، بوکھلاہٹ کا شکار مسلم لیگ (ن) ہے؟۔ ایک بیان میں انہوںنے کہاکہ وزیراعظم نے اپنے فیصلوں اور اختیارکے ناجائز استعمال سے چینی چوری کرائی،شوگر مافیا کی وکالت مسلم لیگ (ن) کررہی ہے؟عمران صاحب نے ملک میں قلت کے باوجود چینی کی برآمد کی اجازت دی ،اس حقیقت کو جھٹلانے کے لئے کسے

بے وقوف بنانے کی کوشش کررہے ہیں؟،چینی چوری کے سرغنہ اعظم صرف اور صرف عمران صاحب ہیں ،عمران صاحب قوم کو سستی چینی بھی ایک کروڑ نوکری اور پچاس لاکھ گھر کی طرح دیں گے ،قوم جان چکی ہے کہ دو سال سے انہیں دونوں ہاتھوں سے لوٹا جارہا ہے،قوم کو معلوم ہے کہ چینی، بجلی، گیس، خوراک ہر معاملے میں ان پر ڈاکہ جاری ہے،عمران صاحب قوم جان چکی ہے کہ انہیں دونوں ہاتھوں سے لوٹا جارہا ہے،جھوٹے بیانات سے باشعور عوام کی آنکھوں میں دھول نہیں دھونکی جاسکتی۔‎

موضوعات:مریم اورنگزیب