کراچی (این این آئی) لاک ڈائون میں اضافے اور سختی کے حوالے سے سوشل میڈیا پر افواہوں کی گردش، ترجمان سندھ حکومت بیرسٹر مرتضی وہاب نے اپنے ایک اہم ویڈیو بیان لاک ڈائون میں سختی اور دکانوں کی بندش کی تردید کی ہے بیرسٹر مرتضی وہاب نے کہا کہ سوشل میڈیا پر افواہوں کے بعد پچھلے ایک دو روز میں شہریوں کی بڑی تعداد نے مارکیٹوں کا رخ کیا مارکیٹوں میں بے

پناہ رش اور احتیاطی تدابیر پر عمل نہ کرنا خطرناک ثابت ہوسکتا ہے۔ترجمان سندھ حکومت نے کہا کہ عوام کو رش میں جانے سے گریز کرنا چاہئیے عوام خوف کا شکار ہوں اور نہ ہی خوف پھیلانے کا باعث بنیں۔بیرسٹر مرتضی وہاب نے کہا کہ عوام حکومت کے اعلان تک افواہوں پر کان نہ دھریں جو بھی فیصلہ ہوگا وہ وفاقی حکومت کی مشاورت سے ہوگا۔بیرسٹر مرتضی وہاب کا کہنا تھا کہ اگر احتیاط کرنی ہے تو کورونا سے کریں احتیاط کرنی ہے تو کورونا کو پھیلانے سے احتیاط کریں بیرسٹر مرتضی وہاب نے کہا کہ پچھلے چند روز سے کورونا سے ہونے والے اموات کی شرح ہمارے سامنے ہے اموات کی شرح میں روز بروز اضافہ ہوتا جارہا ہے سندھ حکومت ایک بار پھر عوام سے احتیاط برتنے کی درخواست کرتی ہے عوام سے گھروں پر رہنے کی اپیل ہے گھروں سے انتہائی ضروری کام سے نکلنا ہے تو ماسک پہننا اور فیزیکل فاصلہ ضرور رکھنا ہے۔ انہوں نے کہا کہ ہم نے دوسروں کو بھی اچھے انداز میں اسی بات کی تلقین کرنی ہے ہمیں کورونا کا شکار ہونے والے افراد سے سبق حاصل کرنا چاہئیے عوام بنیادی اشیا کے فراہمی سے متعلق ہرگز پریشان نہ ہوں۔بیرسٹر مرتضی وہاب کا کہنا تھا کہ بنیادی اشیا کی دستیابی حکومت کا فرض ہے ضروری اشیا کی دستیابی کا ہم عوام کو مکمل یقین دلاتے ہیں تاہم ہمیں کورونا سے لڑنے میں حکومت کا ساتھ دینا چاہئیے عوام کے تعاون کے بغیر کورونا سے جنگ لڑنا آسان نہیں ہے بیرسٹر مرتضی وہاب نے کہا کہ آئیے کورونا کے خاتمے کے لئے سندھ حکومت کا ساتھ دیجئے۔