اسلام آباد(مانیٹرنگ ڈیسک)ایم بی بی ایس کے آخری سمسٹر کےطالب علم سلمان طاہر مہلک وباء کرونا وائرس کا شکار ہو کر خالق حقیقی سے جا ملے ۔ تفصیلات کے مطابق پاکستان میں کرونا وائرس کے خطرناک وار جارہی ہیں جو عوام کیساتھ ساتھ طبی عملے کو بھی نشانہ بناتے جارہےہیں مہلک وباء سے سینکڑوں ڈاکٹرز اور نرسز شکار ہو چکیں ہیں ۔ تاہم آج شعبہ میڈیکل کے
فائنل سمسٹر کے نوجوان سٹوڈنٹ کرونا وائرس سے جاں بحق ہو گئے ہیں ۔ دوسری جانب لاہور میں کورونا وائرس کا شکار ہو کر لیڈی ڈاکٹر ثنا ء فاطمہ جاں بحق ہو گئی ہے۔ تفصیلات کے مطابق لیڈی ڈاکٹر ثنا فاطمہ نجی ہسپتال میں کورونا کے مریضوں کا علاج کر رہی تھیں، دوران علاج کورونا کی تصدیق ہونے کے بعد وہ مقامی ہسپتال میں زیر علاج تھیں۔ اس حوالے سے محکمہ صحت نے لیڈی ڈاکٹر کے جاں بحق ہونے کی تصدیق کرتے ہوئے بتایا گیا کہ خاتون ڈاکٹر لاہور میں واقع کینال روڈ پر ایک نجی ہسپتال میں اپنے فرائض سرانجام دے رہی تھیں۔ثنا فاطمہ میں 10 دن قبل کورونا کی تصدیق ہو گئی تھی جس کے بعد انہیں مقامی ہسپتال میں ریر علاج رکھا گیا تھا۔ پاکستان میں شہریوں کے علاوہ اب ڈاکٹروں کی بڑی تعداد بھی کورونا سے متاثر ہو گئی ہے۔ اس حوالے سے سکریٹری ینگ ڈاکٹرز ایسوسی ایشن (وائی ڈی اے) نے تصدیق کی ہے کہ اب تک 54 ڈاکٹروں کو اس وائرس کی تشخیص ہوچکی ہے۔
