لاہور (این این آئی)پنجاب کی وزیرِ صحت یاسمین راشد نے کہا ہے کہ کورونا وائرس کے خدشے کے پیشِ نظر رائے ونڈ میں 2100 افراد قرنطینہ میں ہیں۔ایک انٹرویومیں انہوں نے بتایا کہ رائے ونڈے میں 41 افراد کے کورونا وائرس کے ٹیسٹ مثبت آئے ہیں۔وزیرِ صحت پنجاب یاسمین راشد
نے بتایا کہ پنجاب کے علاقے کالا شاہ کاکو میں 8 سو سے 9 سو افراد کورونا کے خدشے کے پیشِ نظر قرنطینہ میں ہیں۔انہوں نے کہا کہ کورونا وائرس سے متاثرہ مریضوں پر ملیریا کی دوا کا تجربہ کرنا چاہتے ہیں، تاہم عوام خود سے کورونا وائرس سے بچائوکیلئے ادویات استعمال نہ کریں۔
