کراچی (این این آئی)قومی احتساب بیورو کی جانب سے مزار قائد کے اطراف غیر قانونی تعمیرات کا نوٹس لینے کے بعد مزار کے ارد گرد بے نامی بنگلوں اور جائیداوں کا ا نکشاف سامنے آ نے پر تحقیقات عمل شروع کر دیا گیا۔

آ ئندہ چند روز میں مزار کے اطراف رہائشی مکینوں کی جائیدادوں کا مکمل ریکارڈ حاصل کیا جا ئے گابعد ازاں بے نامی جائیداد سامنے آ نے اور نوٹس ملنے کے باجود بھی جواب نہ دینے والے عناصرکی جائیدادوں کو ضبط کیا جائے گا ،ذرائع کے مطابق 27دسمبر 2019 کو نیب کی جانب سے مزار قائد کے اطراف چائنا کٹنگ کی شکایت موصول ہونے پر تحقیقات کا آغاز کیا گیا تھا جس کے تحت مزار قائد مینجمنٹ سوسائٹی کے کردار کو بھی شک کی نگاہ سے دیکھا جا رہا تھا۔ اس ضمن میں دوران تحقیقات مزار قائد کے اطراف بے نامی بنگلوں اور جائیدادوں کا انکشاف سامنے آ یا ہے جس پر تحقیقاتی عمل تیزکر دیا گیا ہے، نیب کی جانب سے مزار قائد کے ارد گرد مشکوک گھروں کی فہرست تیار کی جا رہی ہے جس کا ریکارڈ مختلف محکموں سے حاصل کرنے پر زور دیا ہے۔ آئندہ چند روز میں فہرست مکمل کیے جانے پر مزار قائد کے اطراف موجودرہائشیوں کو تیار کردہ حکمت عملی کے تحت نوٹس جاری کیے جائیں گے،بعد ازاں دی گئی مہلت کے مطابق درست دستاویزات فراہم نہ کرنے اور بھی قسم کا جواب نہ دینے پر مذکورہ عناصر کی جائیددوں کو بے نامی تصور کرتے ہوئے ضبط کیا جائے گا ۔

موضوعات:قومی احتساب بیورو مزار قائد