لاہور(این این آئی) مسلم لیگ (ن) پنجاب کی ترجمان عظمی بخاری نے کہا ہے کہ ناقص کارکردگی والے وزراکو کابینہ سے نکالنے کا بیان بھی سیاسی نعرہ ثابت ہوا،ایک کروڑ نوکریاں اور پچاس گھروں کا اعلان بھی سیاسی شوبدہ بازی تھی۔کے پی کابینہ میں میٹرک پاس وزیر تعلیم شامل کرنا جاہلیت کی انتہا ہے۔عمران خان دن رات کے پی حکومت کی تعریفیں کرتے تھکتے نہیں تھے۔چھ سالوں میں کے پی حکومت ایک بھی منصوبہ مکمل کرنے میں ناکام رہی ہے۔عثمان بزدار نے کے پی حکومت کی نا اہلیوں کے بھی ریکارڈتوڑ دیے ہیں۔
پنجاب کی کابینہ بھی صرف اپوزیشن پر تنقید کرنے کے جواز تلاش کرتی ہے۔عظمی بخاری نے ایک بیان میں کہا حکومتی ترجمان اپوزیشن پر تنقید کرنا فرض سمجھتے ہیں۔جبکہ ان کی ہر شعبے میں کارکردگی صفر سے بھی نیچے جارہی ہے۔کسی حکومتی وزیر کو اپنے محکمے کے متعلق معلومات نہیں ہے۔پنجاب اسمبلی میں ایک بھی تیاری کے ساتھ نہیں آتا۔جس کا خمیازہ محکمے کے سیکرٹری کو بھگتنا پڑتا ہے۔نا لائق ٹولہ اپنی ناکامی کا ملبہ بھی مسلم لیگ ن کے کھاتے میں ڈالتا ہے۔عوام ان کی بیوقوفیوں سے با خوبی آگاہ ہوچکی ہے۔
