اسلام آباد(مانیٹرنگ ڈیسک) تجزیہ نگار چوہدری غلام حسین نے اپنے ایک بیان میں کہا ہے عمران خان ساڑھے تین سال نہیں بلکہ آئندہ حکومت بھی بنائیں گے اور مدت پوری کریں گے۔ جبکہ صابر شاکر کا کہنا تھا کہ ن لیگ نے خود اپنی کمر توڑ دی ہے ۔ اپنی دولت بچانے کیلئے بہت سے ایسا اقدامات کیے جو غلط تھے جس کی وجہ سے آج انہیں نقصان کی صورت ازالہ کرنا پڑ رہا ہے ۔ وزیراعظم سے متعلق ان کا کہنا تھا کہ
عمران خان کو نقصان غلط سلیکشن پہنچائے گی جبکہ نیب آرڈیننس کا بھی نقصان پہنچے گا۔قبل ازیں چوہدری غلام حسین نے انکشاف میں کہا تھا کہ نواز لیگ تھک گئی ہے اور وہ تحریک انصاف کیساتھ الحاق کرنے جارہی ہے ۔ جبکہ صابر شاکر کے مزید وضاحت طلب کرنے پر ان کا کہنا تھا کہ نواز لیگ وزیراعظم عمران خان کیساتھ وفاق میں شامل ہونے جارہی ہے اور پنجاب میں عثمان بزدار کیساتھ حکومت میںآ نے کا فیصلہ ہو گیا ہے ۔
