اسلام آباد(آن لائن)اسلام آباد ٹریفک پولیس نے نیو ائیر نائٹ کے موقع پر ٹریفک پلان تشکیل دے دیا ٹریفک پلان کے مطابق نئے سال کے موقع پر1، ایس پی ٹریفک ،4اے ایس پی /ڈی ایس پیز21انسپکٹرز سمیت404افسران و جوان ڈیوٹی دیں گے اسلام آباد ٹریفک پولیس کے سپیشل سکواڈ اسلام آباد کی
اہم شاہراہوں اور چوکوں میں ناکہ جات کے علاوہ پٹرولنگ بھی کریں گے اورو ن ویلنگ کرنے والے،ہیوی سائیلنسر والے موٹرسائیکل سواروں ،کار ریسنگ میں ملوث ،ٹریفک کے بہائو میں خلل ڈالنے والوں اور دیگر ٹریفک قوانین کے خلاف ورزی کرنے والوں کے خلاف سخت کاروائی کریں گے تا کہ شہریوں کے جان و مال کے تحفط کویقینی بنانے کے علاوہ ان کو حادثات سے محفوظ رکھا جا سکے ایس ایس پی ٹریفک فرخ رشید نے شہریوں سے اپیل کی ہے کہ شہری اپنے بچوں کو ون ویلنگ والے موٹر سائیکل ہرگز استعمال نہ کرنے دیںتا کہ نیو ائیر نائٹ کے موقع پر شہریوں کے جان ومال کا تحفظ یقینی بنایا سکے ،ایس ایس پی ٹریفک نے تمام روڈ استعمال کرنیوالوں سے بھی اپیل کی ہے روڈ پر لین اور لائن ڈسپلن کو یقینی بنانے کے لئے اسلام آباد ٹریفک پولیس سے تعاون کریں تا کہ حادثات میںہر ممکن کمی لائی جا سکے۔
