سوات(آن لائن) گیس لیکیج کی وجہ سے مینگورہ طاہرآباد کا گھر ماتم کدے میں بدل گیا،نانا دو نواسوں سمیت گیس لیکیج اور دم گھٹنے سے جاں بحق،علاقے میں قیامت صغری،ایک ہی گھر سے بیک وقت تین جنازے اُٹھنے سے علاقے میں کہرام مچ گیا،تفصیلات کے مطابق مینگورہ کے نواحی علاقہ طاہرآباد عزیز آباد میں عبدالرازق اپنے نواسوں عبیداللہ ولد فضل مولا اوفر حضر ت نبی ولد فضل خالق کے ہمراہ
کمرے میں سورہا تھا کہ رات کو گیس لیکیج کی وجہ سے کمرے میں گیس بھر گئی جس کے باعث نانا عبدالرزاق اپنے دونوں نواسوں سمیت دم گھٹنے سے جاں بحق ہوگیا تینوں کو فوری طبی امداد کے غر ض سے سیدوشریف ٹیچنگ ہسپتال منتقل کردیا گیا تاہم وہ جان بر نہ ہوسکے زرائع کے مطابق عبد الرزاق کے دونوں نواسے نانا کے گھر رات گزارنے آئے تھے جو اُن کے زندگی کی آخری رات ثابت ہوئی۔
