اسلام آباد(مانیٹرنگ ڈیسک)این ایچ اے کے بعد اب لاہور رنگ روڈ اتھارٹی نے رنگ روڈ پر سفرکرنے کیلئے گاڑیوں کے چارجز میں اضافہ کر دیا،میڈیا رپورٹس کے مطابق رنگ روڈ اتھارٹی نے گاڑی کے چارجز 35 روپے سے بڑھا کر 45 روپے کر دیئے ہیں جبکہ اگر بس کو رنگ روڈ پر سفر کرنا ہے تو اسے 230 روپے اد ا کرنے ہوں گے ۔ وین اور منی بس کے چارجز

بھی 70 روپے سے بڑھا کر 90 روپے کر دیئے گئے ہیں ۔ اس کے علاوہ اگر بس کو رنگ روڈ استعمال کرناہے تو اس کی فیس 180 سے بڑھا کر 230 روپے کر دی گئی ہے ، لوڈر پک اپ کی فیس 270 روپے جبکہ ٹرک اور ٹرالر کی 450 روپے کر دی گئی ہے ۔واضح رہے کہ کچھ عرصہ قبل نیشنل ہائی ویز اتھارٹی نے بھی موٹروے اور دیگر ہائی ویز پر سفر کرنے کیلئے ٹوکن بڑھا ئے تھے ۔

موضوعات:لاہور رنگ روڈ اتھارٹی