ہنگو(این این آئی)سابق صدر مشرف کے خلاف سنگین غداری کیس میں سزائے موت فیصلے کے خلاف اقلیتی برادری سڑکوں پر نکل آئی۔پاک فوج کی حمایت میں نعرہ بازی کرتے ہوئے پاک فوج کے ساتھ محبت کا اظہار کیا گیا۔احتجاج میں آل مینارٹیز کے مشران چوہدری ہری دیال سندھو،پاسٹر دانش،ثنی سنگھ سمیت سکھ،ہندو،مسیحی کے سینکڑوں کی تعداد میں رہنماوں اور مشران نے شرکت کی۔
اس موقع پر احتجاجی مظاہرے سے خطاب کرتے ہوئے پنڈت چوہدری ہری دیال سندھو،پاسٹر دانش،ثنی سنگھ اور دیگر کہاکہ1971 کی جنگ ہو یا کارگل کی جنگ جیتنے والے بہادر سابق آرمی چیف کو غدار کہنے کی شدید الفاظ میں مذمت کرتے ہیں۔اقلیتی مشران نے کہاکہ مشرف قانون شکنی کا مرتکب ہوسکتا ہے لیکن ملک کا غدار ہر گز نہیں ہوسکتا۔اقلیتی مشران نے کہاکہ پاکستان میں رہنے والے مینارٹیز ملک پاکستان کے ساتھ پیار و محبت کرتے ہیں۔اور افواج پاک کی عزت واحترام کرتے ہیں۔ اقلیتی برادری نے پاک فوج کی خدمات ہوئے کو سراہتے ہوئے خراج تحسین پیش کی اور کہاکہ ملک پاکستان میں اقلیتی برادری کو جو مذہبی آزادی حاصل ہے دنیا میں اسکی مثال نہیں ملتی۔سابق آرمی چیف مشرف ایک بہادر چیف رہے جنکی ملک کیلئے خدمات ناقابل فراموش ہے۔مقررین نے کہاکہ مشرف قوم کے ہیرو ہے حالیہ مخالف فیصلے سے نہ کہہ مشرف کیساتھ زیادتی بلکہ پورے فوج کے ساتھ زیادتی کے مترادف ہے۔انہوں نے کہاکہ پاک فوج ملک کی سرحدات کے محافظ ہے اور ہم اپنے دلیر اور بہادر فوج پر فخر کرتے ہیں۔اس موقع پر اقلیتی رہنماوں نے حکومت سے مشرف کے خلاف سنگین غداری کیس مقدمے پر نظر ثانی کا مطالبہ کیا۔
