کوئٹہ (این این آئی) بلوچستان نیشنل پارٹی کے مرکزی بیان میں کہا گیا ہے کہ پرویز مشرف کے خلاف فیصلے کی بھرپور حمایت کرتے ہیں مشرف کی وجہ سے ہی بلوچستان کے حالات بحرانی شکل اختیار کر گئے ہیں پرویز مشرف شہید نواب اکبر خان بگٹی کے قاتل بھی ہیں
کراچی کے سانحہ12مئی میں عوام کے قتل عام کے ذمہ دار بھی یہی ہیں پرویز مشرف بلوچستان میں آپریشن اور طاقت کا سہارا لے کر بے گناہ نہتے لوگوں کے قتل و عام میں بھی مصروف عمل رہے۔بے دردی کے ساتھ انسانی حقوق کی پامالی کرتے رہے جس کی وجہ سے بلوچستان کے حالات اب تک دگرگوں ہیں بیان میں کہا گیا ہے کہ مشرف کیس کے انفرادی فیصلے کو عسکری ادارے سے جوڑنا غیر منطقی ہے اگر کوئی شخص آئین شکنی کے مرتکب پایا جائے تو یقینا ان کے لئے جو سزا رکھی گئی ہے اس کا اطلاق اس کیلئے ہو گا آئین و قانون سے کوئی بالاتر نہیں آرٹیکل 6کی خلاف ورزی کرنے‘آئین توڑنے‘ غیر قانونی کام کرنے پر ان کے خلاف طویل عرصے سے کیس چل رہا تھا آخر کار عدالت نے جب فیصلہ دیا وہ سب کیلئے قابل احترام ہونا چاہئے بیان میں کہا گیا ہے کہ بی این پی اس فیصلے کی حمایت کرتی ہے آئین شکن اقدامات اور بے گناہ نہتے انسانوں کے قتل و غارت میں ملوث جنرل پرویز مشرف بھی آئین و قانون سے بالاتر نہیں قانون سب کیلئے برابر ہونا چاہئے جو کوئی بھی کسی جرم کے مرتکب پایا جائے اس کو سزا ملنی چاہئے۔ بلوچستان نیشنل پارٹی کے مرکزی بیان میں کہا گیا ہے کہ پرویز مشرف کے خلاف فیصلے کی بھرپور حمایت کرتے ہیں مشرف کی وجہ سے ہی بلوچستان کے حالات بحرانی شکل اختیار کر گئے ہیں
