اسلام آباد (این این آئی)برطانیہ کے بعد نیدر لینڈ نے بھی پولیس کی پیشہ وارانہ صلاحیتوں پر آئی جی اسلام آباد محمد عامر ذوالفقار خان کو شکریہ کا خط لکھ دیا۔سفیر نیدر لینڈ ووٹر پلومپ نے خط میں کہاکہ ملکہ میگسیما کے دورہ پاکستان کے دوران شاندار سیکیورٹی انتظامات کئے گئے،فول پروف سیکیورٹی انتظامات نے ملکہ کے اہم دورہ کو کامیاب بنایا۔سفیر نیدر لینڈ نے کہاکہ آئی جی محمد عامر ذوالفقار خان نے

سیکیور ٹی کے لئے بہترین حکمت عملی مرتب کی۔سفیر نیدر لینڈ نے کہاکہ ڈی آئی جی سیکیورٹی وقار چوہان۔ایس ایس پی سیکیورٹی اور ایس ایس پی سپیشل برانچ کا مشکور ہوں۔انہوں نے کہاکہ نیدر لینڈ سفارتخانہ کا اسلام آباد پولیس سے مضبوط ورکنگ ریلیشن شپ ہے ملکہ کے دورہ سے ان تعلقات کو مزید فروغ ملا۔انہوں نے کہاکہ آئی جی محمد عامر ذوالفقار خان کی قیادت میں پولیس کی پیشہ وارانہ صلاحیتیں قابل تعریف ہیں۔

موضوعات:نیدر لینڈ