لاہور(این این آئی ) مسلم لیگ (ن) ُپنجاب کی ترجمان عظمیٰ بخاری نے کہا ہے کہ فیاض چوہان جیسے بدکلام کو اطلاعات کی وزارت دوبارہ دینا افسوسناک ہے،فیاض چوہان نے ہندو برداری کے متعلق جو زبان استعمال کی وہ آج بھی زبان زدعام ہے۔مسلم لیگ (ن) پنجاب کی ترجمان عظمیٰ بخاری نے فیاض چوہان کو وزیراطلاعات بنانے پر اپنے ردعمل میں کہا کہ فیاض چوہان وزیراطلاعات بنانے کا مقصد صرف حکومتی نااہلیوں پر پردہ ڈالنا ہے۔پاکستان میں پہلی حکومتی آئی ہے

جس کا ایجنڈا عوامی مسائل کا حل نہیں بلکہ اپوزیشن کو ٹارگٹ کرنا ہے۔عمران خان پوری پاکستان کا گند اکٹھاکرلیا ہے۔انہوںنے کہاکہ عمران خان کو فیاض چوہان جیسے نالائقوں کی اشد ضرورت ہے۔جو شخص وزارت ملتے ہی میگھا اور نرگس کو حاجن بنانے کا ویژن لے کر آئے اس سے شوبز انڈسٹری اور میڈیا کیا توقعات وابستہ کرسکتا ہے۔فیاض چوہان کو وزیراطلاعات بنانے کا مطلب پنجاب سے کلچر کا خاتمہ کرنا ہے۔جن لوگوں کا تہذیب اور کلچر سے تعلق نہیں وہ اس کو فروغ کیا دینگے۔