کراچی(این این آئی)کراچی میں سی ٹی ڈی کے ہاتھوں گرفتار ایم کیو ایم لندن کے ٹارگٹ کلر اسداللہ عرف انقلابی نے دوران تفتیش اہم انکشافات کیئے ہیں۔اعترافی وڈیو بیان میں ملزم نے بتایا کہ وہ سرکاری ادارہ میں کام کرتا رہا ہے جبکہ 3 شہریوں کو اعظم اسکوئر کی ایک دکان میں رکھا اور قتل کر کے بوری میں ڈال کر پھینک دیا۔دوران تفتیش ملزم نے

انکشاف کیا کہ شریف آباد تھانے میں جو بھی ایس ایچ او آتا تھا، اس سے ہماری خاص ملاقات کروائی جاتی تھی جبکہ گرفتاری سے قبل بھی تھانے آنا جانا رہتا تھا اور تھانے کے اندر بہت سے اہلکار معلومات فراہم کرتے تھے۔ ملزم نے جرائم کی وارداتوں کا اعتراف کرتے ہوئے اپنے ساتھی عادل ظفر ، کاشف ، نعمان عدنان ، وسیم اور شرجیل کے نام بھی ظاہر کردیئے ہیں۔

موضوعات:ٹارگٹ کلر