اسلام آباد(آن لائن)جمعیت علمائے اسلام (ف) کے سربراہ مولانا فضل الرحمان کا سابق وزیر اعظم نواز شریف سے ٹیلیفونک رابطہ، صحت سے متعلق دریافت کیا اور آزادی مارچ کے حوالے سے بھی گفتگو ہوئی۔ دونون رہنماؤں کے درمیان رابطہ شہباز شریف کے ذریعے ہوا۔ تفصیلات کے مطابق جے یو آئی (ف) کے سربراہ مولانا فضل الرحمان کا مسلم لیگ ن کے قائد میاں نواز شریف سے ٹیلی فونک رابطہ ہوا ہے۔ مولانا فضل الرحمان
نے نواز شریف کی صحت سے متعلق دریافت کیا۔ دونوں رہنماؤں کے درمیان آزادی مارچ کے حوالے سے بھی بات چیت ہوئی۔ مولانا فضل الرحمان نے آزادی مارچ کی حمایت کرنے پر نواز شریف کا شکریہ ادا کیا۔ نواز شریف نے کہا کہ مسلم لیگی کارکن مولانا فضل الرحمان کے مارچ میں شرکت کریں میں کامیابی کے دعا گو ہوں۔ مولانا فضل الرحمان اور نوازشریف کے درمیان ٹیلی فونک رابطہ شہباز شریف کی وساطت سے ہوا۔
