اسلام آباد(سی پی پی) وفاقی وزیر فیصل واوڈا نے کہا ہے مولانا فضل الرحمان اپنے دھرنے میں لوگوں کو مروانا چاہتے ہیں، ڈنڈابردارجتھوں کوکسی صورت برداشت نہیں کیا جائے گا، ریاست کے اندرریاست بنانے کی اجازت نہیں دے سکتے۔تفصیلات کے مطابق وفاقی وزیر آبی وسائل فیصل واوڈا نے نجی ٹی وی سے گفتگو کرتے ہوئے کہا ہے کہ اپوزیشن کومسئلہ کیاہے جس کیلئے دھرنا دیا جارہا ہے۔
اسلام کوکوئی خطرہ ہے جس پردھرنے کی تیاریاں ہیں؟فیصل واوڈا نے کہا ہے کہ بڑے دل کامظاہرہ کیا اور مذاکرات کی پیشکش کی ہے، بضد ہیں اوراحتجاج کرناچاہتے ہیں توبیشک آجائیں، ڈنڈابردارجتھوں کوکسی صورت برداشت نہیں کیا جائے گا۔وفاقی وزیر نے کہا کہ مولانا فضل الرحمان دھرنے میں لوگوں کو مروانا چاہتے ہیں، ریاست کے اندرریاست بنانے کی اجازت نہیں دے سکتے۔
