لاہور(این این آئی) مسلم لیگ (ن)کی رہنما عظمی بخاری نے حمزہ شہباز کی پیشی پر پنجاب پولیس کی جانب سے صحافیوں پر تشدد کی مذمت کرتے ہوئے کہاکہ حکومت اپوزیشن کی آواز دبانے کیلئے پولیس کا استعمال کررہی ہے۔حمزہ شہباز کو احتساب عدالت میں ایس پی نے بھی

میڈیا سے بات کرنے سے روکا،صحافیوں پر پولیس کاتشددمیڈیا کو پیغام دینے کے مترادف ہے۔پنجاب پولیس تحریک انصاف کی ذیلی تنظیم کا کردار ادا کررہی ہے۔مریم نواز اور حمزہ شہباز کی ہر پیشی پر پنجاب پولیس کے اہلکارلیگی خواتین ارکان سے بدتمیزی کرتے ہیں۔