لاہور(این این آئی) وزیرصحت ڈاکٹریاسمین راشدنے آن لائن پوسٹ دیکھ کرپانچ سالہ معصوم بچے واجدعلی کاعلاج شروع کروادیا ہے۔معصوم بچہ واجدعلی آنکھوں کی بیماری میں مبتلااورانتہائی تکلیف میں تھا۔ وزیرصحت پنجاب نے ایم ایس بہاولپور وکٹوریہ ہسپتال ڈاکٹرعزیزالرحمن کوبچے کے مکمل علاج معالجہ کیلئے فورا تشخیصی بورڈتشکیل دینے کاحکم دے دیاہے۔کل سوموارکومیڈیکل بورڈپانچ سالہ معصوم بچے واجدعلی کامکمل
معائنہ کرکے رپورٹ پیش کرے گا۔ وزیرصحت ڈاکٹریاسمین راشد نے کہاکہ تکلیف میں مبتلامریضوں کابہترین علاج معالجہ یقینی بناکرریلیف دیں گے۔پانچ سالہ معصوم بچے واجدعلی کابہترین علاج کرکے آنکھوں کی بیماری سے چھٹکارادلوایاجائیگا۔ ڈاکٹریاسمین راشد نے بتایاکہ بچے کے علاج معالجہ کے تمام تراخراجات حکومت پنجاب برداشت کرے گی۔واجدعلی کے والدین کی وزیرصحت پنجاب ڈاکٹریاسمین راشدکیلئے دعائیں۔
