اسلام آباد (این این آئی) نیب اور جیل حکام نے پیپلز پارٹی کے رہنمائوں کو فریال تالپور کی عیادت کر نے روک دیا ۔ ذرائع کے مطابق ہفتہ کو بھی فریال تالپور پولی کلینک میں زیر علاج رہیں اس دو ران پیپلز پارٹی کے سیکرٹری جنرل نیر بخاری اور دیگر رہنماء پولی کلینک ہسپتال پہنچے تو نیب اور جیل حکام بھی موجود تھے اور نیب اور جیل حکام نے رہنمائوں کو فریال تالپور کی عیادت
کرنے سے روک دیا۔پیپلز پارٹی کے سیکرٹری جنرل نیر بخاری کی حکام کے ساتھ بات چیت کرتے ہوئے حکام کے رویہ پر شدید احتجاج کیا ۔ نیئر بخاری نے کہاکہ تمام رہنماء فریال تالپور کی عیادت کے لئے پہنچے ہیں۔ انہوں نے کہاکہ تمام عملے کو کمرے تک محدود کرنا مناسب نہیں۔ انہوں نے کہاکہ فریال تالپور اس وقت زیر علاج ہیں، ان کے ساتھ قیدیوں جیسا سلوک نہیں کیا جا سکتا۔
