اسلام آباد (این این آئی) سابق صدر آصف علی زر داری کے قومی اسمبلی میں مہاجرین سے متعلق بیان کے معاملہ پر پیپلز پارٹی نے وضاحت جاری کردی جس میں کہاگیاہے کہ آصف زرداری کے خطاب کو جان بوجھ کر غلط انداز میں پیش کیا جا رہا ہے۔ جمعہ کو ترجمان آصف علی ز داری نے کہاکہ کچھ عناصر مہاجرین سے متعلق بیان کو توہین آمیز قرار دے رہے ہیں۔ترجمان عامر فدا پراچہ
نے کہاکہ کچھ عناصر جان بوجھ کر آصف زرداری کے بیان کو توڑ مروڑ کر پیش کر رہے ہیں،بدقسمتی سے بیان کو اپنے الفاظ دیکر جماعت کے ساکھ کو نقصان پہنچانے کی کوشش کی گئی ہے۔ترجمان آصف زرداری نے کہاکہ آصف زرداری کے بیان کا مقصد کسی کی دل آزاری نہیں تھا۔ انہوں نے کہاکہ آصف زرداری کے بیان کو غلط رنگ دینے والوں کو شرم آنی چاہئے۔
