اسلام آباد (نیوز ڈیسک) ن لیگ کے اہم رہنما مشاہد اللہ خان کی طبیعت اچانک ناساز ہو گئی جس کی وجہ سے انہیں ہسپتال منتقل کرنا پڑا، جہاں ان کی سرجری کی گئی ہے۔ سوشل میڈیا پر مشاہد اللہ خان کی ہسپتال کی تصاویر وائرل ہیں، معروف صحافی ارشدچوہدری نے بھی ان کی صحت کے حوالے سے ٹوئٹ کی ہے جس میں انہوں نے مشاہد اللہ کی جلد صحت یابی کے لیے اللہ سے دعا کی ہے۔ ٹوئٹر پر مشاہد اللہ خان کی جانب سے ٹوئٹ بھی سامنے آیا جس میں انہوں نے کہاکہ
آج میرے معدے میں ہرنیا کا آپریشن ہواہے، اللہ کی مہربانی سے آپریشن کامیاب ہوا ہے، میری جلد صحت یابی کے لیے خصوصی دعا کریں، اس کے علاوہ مشاہد اللہ خان کے بیٹے ڈاکٹر افنان اللہ کی جانب سے بھی ٹوئٹ کیا گیا جس میں انہوں نے کہاکہ میرے والد کا ایک سرجیکل آپریشن ہوا ہے، اللہ کی مہربانی سے آپریشن کامیاب ہوا ہے، اب وہ بہتر ہو رہے ہیں، ان کی جلد صحت یابی کے لیے دعا کریں۔ لیگی صارفین نے مشاہد اللہ خان کی جلد صحت یابی کے لیے دعا کی ہے۔
