لاہور(این این آئی)پاکستان او ربھارت کے درمیان چلنے والی سمجھوتہ ایکسپریس109مسافروں کو لیکر بھارت روانہ ہو گئی،بھارتی ریلوے کے ڈرائیور اور گارڈز خود واہگہ اسٹیشن سے آکر ٹرین لے کر گئے۔ تفصیلات کے مطابق بھارت کے اداروں کی جانب سے ہراساں کئے جانے کی وجہ سے پاکستان ریلوے ڈرائیورز نے ٹرین بھارت لیجانے سے انکار دیا تھا جس کے بعد بھارتی ریلوے کا ٹرین ڈرائیور

واہگہ سے آگے ٹرین کولے کر گیا۔سمجھوتہ ایکسپریس صبح9بجکر11منٹ پر لاہور سٹیشن سے روانہ ہوئی اورساڑھے6گھنٹے تک واہگہ اسٹیشن پر کھڑی رہی۔میڈیا رپورٹس کے مطابق خدشہ ہے کہ پاک بھارت کشیدگی کی وجہ سے ٹرین واپس واہگہ نہیں آئے گی۔ذرائع کے مطابق پاکستان اور بھارت ریلوے کے درمیان معاہدہ کے مطابق ان دنوں 6ماہ کیلئے مسافر بوگیوں کا ریک بھارت کا تھا۔