اسلام آباد (این این آئی)وفاقی وزیر آبی وسائل فیصل واوڈا نے کہا کہ پہلے دن سے کہہ رہاتھااپوزیشن کی تحریک ناکام ہوگی، اپوزیشن کوجو تھپڑ پڑا ہے وہ ہمیشہ یاد رکھیں گے، یہ کچھ بھی کرلیں انہیں کسی صورت این آر او نہیں ملے گا۔وفاقی وزیر آبی وسائل فیصل واوڈا نے چیئرمین سینیٹ صادق سنجرانی کے خلاف عدم اعتماد کی تحریک کی ناکامی پر درعمل دیتے ہوئے کہا پہلے دن سے کہہ رہاتھااپوزیشن کی تحریک ناکام ہوگی، این آر او لینے کے لئے
اپوزیشن نے تھرڈ کلاس قدم اٹھانے کی کوشش کی، اپوزیشن کی صرف یہ کوشش تھی کسی طرح این آر او ہو جائے۔فیصل واوڈا نے کہا کہ اپوزیشن کا مینڈیٹ اورسیاست آج کے بعد ختم ہوگیا ہے، اپوزیشن نے این آر او کیلئے آخری حربہ استعمال کیا، آج کی شکست کے بعد اپوزیشن خود کو شیشے میں بھی دیکھ نہیں سکتی۔وفاقی وزیر نے کہا کہ اپوزیشن کو جو تھپڑ پڑا ہے وہ ہمیشہ یادرکھیں گے، یہ کچھ بھی کرلیں انہیں کسی صورت این آر او نہیں ملے گا۔
