کراچی(این این آئی) محکمہ موسمیات نے جمعہ کو ذوالحج کا چاند نظر آنے کی پیشگوئی کردی  ہے، جس کے بعد عیدالضحی 12اگست کوہوگی، غروب آفتاب کے بعد چاند 53 منٹ تک افق پر دیکھا جاسکے گا۔تفصیلات کے مطابق محکمہ موسمیات نے ذوالحج کے چاندکی پیشگوئی کرتے ہوئے کہاہے کہ جمعہ کو ذوالحج کا چاند نظر آنے کے قوی امکانات ہیں، چاند نظر آنے کی صورت میں عیدالضحی12اگست کوہوگی۔محکمہ موسمیات کے مطابق چاند جمعہ کو8:12 پر پیدا ہونا شروع ہوجائیگا،7: 17منٹ

پر سورج طلوع ہو جائیگا، غروب آفتاب کے بعد چاند 53 منٹ تک افق پر دیکھا جاسکے گا، چاند کی عمر35 گھنٹے 29 منٹ ہوگی۔محکمہ موسمیات کے مطابق جمعہ کوملک کے بیشتر حصوں میں مطلع جزوی طور پر ابر الود رہنے کا امکان ہے۔دوسری جانب چیئرمین مفتی منیب الرحمان نے  ذوالحج کا چاند دیکھنے کے لیے مرکزی رویت ہلال کمیٹی کا اجلاس جمعہ کو طلب کرلیا ہے، اجلاس بعد نماز عصر میٹ کمپلیکس کراچی میں منعقد ہوگا، جس میں چاند نظر آنے یا نہ آنے کا اعلان کیا جائے گا۔