اسلام آباد(مانیٹرنگ ڈیسک)صاق سنجرانی کی کامیابی پر حکومت خوش، معاون خصوصی اطلاعات فردوس عاشق اعوان کا کہنا ہے سینیٹ پر ہونے والے حملے کو باشعور سینیٹرز نے ناکام کردیا، پاکستان کیخلاف سازش کو ناکام بنانے والے سینیٹرز کو سلام کرتی ہوں، آج حکومت کا بیانیہ جیت گیا ۔اگست کا مہینہ قیام پاکستان کا مہینہ ہے، اس مہینے میں استحکام پاکستان کی ضرورت ہے۔یہ لوگ جیلوں میں بیٹھ کر سینیٹ پر

قابض ہونا چاہتے تھے، یہ وہ لوگ ہیں جنہوں نے کبھی سبزہلالی پرچم ہاتھ میں نہیں تھاما ۔آج عمران خان کی قیادت میں تعمیر پاکستان کے نئے سفر کا آغاز ہوا ہے۔ نئے پاکستان کے سفر میں استحکام آئے گا۔سینیٹ عوام کی طاقت کا سرچشمہ ہے۔ سینیٹ تمام صوبوں کی بھائیوں کی طرح شناخت کرنے والا ادارہ ہے۔آج سازشی سوچ کو شکست ہوئی اور پاکستان کا بیانیہ جیت گیا ہے۔اپوزیشن کو سمجھ نہیں آرہی کہ ان کا بیانیہ پٹ چکا ۔

موضوعات:فردوس عاشق