اسلام آباد(مانیٹرنگ ڈیسک)معروف صحافی حامد میر نے کہا ہے کہ عرفان صدیقی کا شاید مریم نوازکی تقاریر لکھناکسی کو ناگوار گزرا ہے،گھر کا پورشن کرائے پر دیا اور اس کو گرفتار کرلیا ،اندازہ لگائیں اگر نوازشریف سے لفافے لیے ہوتے تومکان کرائے پر نہ دیتا۔نجی ٹی وی  پروگرام میں گفتگو کرتے ہوئے  انہوں نے مزید کہا کہ عرفان صدیقی کالج استاد ہیں، پھر کالم لکھتے رہے

اور پھر وہ نوازشریف کے معاون خصوصی بن گئے۔لیکن جب انہوں نے حکومتی عہدہ سنبھالا توپھر کالم لکھنا چھوڑ دیا۔جبکہ یہاں بہت سارے صحافی حکومتی عہدوں کے ساتھ کالم لکھنا جاری رکھتے ہیں۔نوازشریف نے صحافیوں کواگر لفافے دیے ہوتے توعرفان صدیقی سب سے زیادہ امیر ہوتے۔یاد  رہے کہ عرفان صدیقی کو گزشتہ  روز ان کے گھر کے باہر سے حراست میں لیا گیا تھا۔