اسلام آباد (این این آئی)اپوزیشن کی طرف یوم سیاہ کی کال پر لا اینڈ آڈر کے حوالے سے آئی جی اسلام آباد محمد عامر ذوالفقار نے ہدایات جاری کر دی۔ ایک بیان میں انہوں نے کہاکہ وفاقی دارالحکومت سلام آبادکی سکیورٹی کو ہائی الرٹ رکھا جائے اس سلسلہ میں تمام ڈی آئی جیز کو ہدایات جاری کی گئیں۔ ترجمان کے مطابق انہوں نے کہاکہ کسی بھی ہنگامی اور لاء اینڈ آرڈر کی صورتحال کے پیش نظر پولیس کی نفری کو سٹینڈ بائی رکھا جائے۔ انہوں نے کہاکہ داخلی وخارجی راستوں اور تمام اندرونی و بیرونی ناکہ جات
پر چیکنگ سخت کی جائے۔ انہوں نے کہاکہ حساس مقامات، اہم سرکاری و نجی املاک، مذہبی عبادتگاہوں کے اردگرد پٹرولنگ کو مزید موثر کیا جائے۔ انہوں نے کہاکہ شہریوں کی جان و مال کی مکمل حفاظت کی جائے۔انہوں نے کہاکہ اسلام آباد میں تمام مارکیٹس اور ٹرانسپورٹ کی رونی کو برقرار رکھا جائے۔انہوں نے کہاکہ تمام ایس پیز کسی قسم کے ناخوشگوار صورتحال سے نمٹنے کیلئے اپنے اپنے زون کی خود نگرانی کریں۔انہوں نے کہاکہ قانون کو ہاتھ میں لینے والوں کے خلاف سخت ایکشن لیا جائے۔
