کراچی (آن لائن) پاکستان تحریک انصاف کے اراکین اسمبلی ارسلان تاج گھمن اور رابعہ اظفر نے فریال تالپور کی نا اہلی کیلئے الیکشن کمیشن درخواست دائر کردی۔درخواست میں موقف اختیار کیا گیا کہ رکن سندھ اسمبلی و رہنما پیپلز پارٹی فریال تاپلور کی شہداد کوٹ اور لاڑکانہ میں جائیدادیں ہیں، فریال تالپور نے اپنی تین جائیدادوں کو الیکشن کمیشن سے چھپایا۔

فریال تالپور آئین کی شق 62 (ایف) کے تحت صادق و امین نہیں رہی ہیں۔ لہذا فریال تالپور سندھ اسمبلی کی رکنیت کی اہل نہیں رہی انہیں نااہل قرار دیا جائے۔درخواست میں مزید کہا گیا کہ 22 جون 2019 کو اسپیکر سندھ اسمبلی آغا سراج درانی کو بھی فریال تالپور کو درخواست دی تھی۔قواعد کے تحت اسپیکر سندھ اسمبلی نے درخواست پر30 روز میں عملدرآمد کرنا ہوتا ہے، 30 روز گزرنے کے باوجود اسپیکر سندھ اسمبلی نے درخواست پر عملدرآمد نہیں کیا، بعد ازاں میڈیا سے گفتگو کرتے ہوئے رکن سندھ اسمبلی و رہنما پاکستان تحریک انصاف ارسلان تاج گھمن نے کہا کہ 22جون کو اسپیکر سندھ اسمبلی آغا سراج درانی کو فریال تالپور کی نااہلی کی درخواست دی تھی، فریال تالپور نے اپنی تین جائیدادیں ظاہر نہیں کی، فریال تالپور نے لاڑکانہ اور شہداد کوٹ میں اپنی جائیداد چھپائی، اسپکر سندھ اسمبلی نے قانون کے مطابق 30 دن گزرنے کے باوجود کوئی فیصلہ نہیں کیا،اسپیکر کو دی جانے والی درخواست کی کاپی الیکشن کیشمن کو بھی فراہم کی تھی،منور تالپور کے خلاف بھی جلد الیکشن کمیشن سے رجوع کرینگے، منور تالپور نے بھی فریال تالپور کی جائیدادیں ظاہر نہیں کی جس کے خلاف کاروائی ہونی چاہیے۔