اسلام آباد (آن لائن ) دفاعی تجزیہ نگار بریگیڈئیر(ر) فاروق حمید نے کہا ہے کہ میں نے نواز شریف کے امریکا کے دو دورے دیکھے ہیں جس میں ایک سرکاری دورہ تھا،نواز شریف کے دورے میں 50 سے 70 بندے ان کے ساتھ تھے،یہ تمام لوگ امریکا میں فائیو سٹار ہوٹلوں میں قیام کرتے تھے

پہلی بار پاکستان کے ایک منتخب وزیراعظم نے امریکا کے دورے میں سادگی کی مثال قائم کردی۔ تفصیلا ت کے مطابق برگیڈئیر(ر) فاروق حمید نے نجی ٹی وی سے گفتگو کرتے ہو ئے کہا کہ مجھے لگتا ہے کہ وزیراعظم عمران خان کی سادگی نے پوری امریکی عوام اور صدر ٹرمپ کو حیران کر دیا ہو گا، وہ سوچتے ہوں کہ پاکستان کی خوش قسمتی ہے کہ انہیں ایسے سادے وزیراعظم ملے ہیں۔فاروق حمید نے مزید کہا کہ عمران خان نے وائٹ ہاؤس میں بھی پشاوری چپل نہیں چھوڑی وہ سادہ لباس میں بھی پروقار اور رعب والے لگ رہے تھے۔امریکا میں 20 ہزار لوگوں سے خطاب کیا جس کے بعد پورے امریکا اور یہاں تک کہ ڈونلڈ ٹرمپ نے بھی ان کی مقبولیت دیکھ لی۔واضح رہے کہ وزیراعظم عمران خان واشنگٹن ڈی سی میں امریکی صدر سے ملاقات کیلئے 22 جولائی کو وائٹ ہاؤس پہنچے۔وائٹ ہاؤس پہنچنے پر امریکی صدر ڈونلڈ ٹرمپ نے وزیراعظم عمران خان کا استقبال کیا اور مصافحہ کیا۔ وزیراعظم عمران خان نے قومی لباس میں امریکی صدر سے ملاقات کی تھی، وزیراعظم نے گہرے نیلے رنگ کی شلوار قمیض اور شیروانی زیب تن کی ہوئی تھی۔