کراچی (این این آئی) پاکستان ٹیلی کمیونیکیشنز کمپنی لمیٹڈ (پی ٹی سی ایل) اپنے صارفین کو آگاہ کرنا چاہے گا کہ مختلف جگہوں پر کیبل کٹنے کی وجہ سے پاکستان بھر کے مختلف ریجنز میں انٹرنیٹ سروسز متاثر ہوئی تھیں۔اس صورتحال پر فریحہ طاہر شاہ، جنرل منیجر، کارپو ریٹ کمیونیکیشن، پی ٹی سی ایل نے کہا، ” ہم اپنے معزز صارفین کو ہونے والی پریشانی پر معذرت خواہ ہیں۔ پی ٹی سی ایل جلد از جلدسروسز کو
بحال اور معمول پر لانے کیلئے اپنے تمام تکنیکی وسائل کواستعمال میں لارہا ہے۔مزید براں، بہت سے علاقوں میں انٹرنیٹ سروسز بحال کر دی گئی ہیں۔ ”انہوں نے مزید کہا کہ اس خرابی کی اصل وجہ جاننے کیلئے ایک ا علی اختیار رکھنے والی تحقیقا تی کمیٹی تشکیل دے دی گئی ہے۔ پی ٹی سی ایل کی تکنیکی ٹیمیں کاروباری زندگی کو معمول پر لا نے اور بلا تعطل سروسز کی فراہمی کیلئے بھر پور کوششیں کررہی ہیں۔
