اسلام آباد (مانیٹرنگ ڈیسک) سینئر صحافی و تجزیہ کار عمران خان نے ایک نجی ٹی وی چینل کے پروگرام میں گفتگو کرتے ہوئے کہا کہ سیاست کسی کی میراث نہیں ہے اور اس کا تجربہ عمر کے ساتھ نہیں آتا، بہت تھوڑی عمر بھی لوگ اس کو سیکھ لیتے ہیں اور بڑی اچھی باتیں کرنا شروع ہو جاتے ہیں،

انہوں نے کہا کہ شہباز شریف صاحب نے میثاق معیشت والا عمران خان کے لیے ٹریپ پھینکا تھا، انہیں لگاکہ عمران خان یہ کہے گا کہ میں نہیں مانتا یہ کیا مذاق کر رہے ہیں، یہ لوگ جنہوں نے ملک کو لوٹا ہے ان کے ساتھ میں معیشت کا میثاق کروں۔ جنہوں نے لوٹا ہے ان سے سیکھو، جنہوں نے معیشت کو تباہ کیا ہے ان کے ساتھ بات کروں، ان کو لگا کہ عمران خان یہ کہے گا اور پھر ہم سارے مل کر ان کو ذلیل کریں گے، سینئر تجزیہ کار نے کہاکہ عمران خان اتنے عرصے میں سیاست سیکھ گیا ہے اس نے اپنے لوگوں کے ساتھ بیٹھ کر فیصلہ کیا کہ حکومت کے ساتھ اپوزیشن اپنے آپ کو انگیج کرنا چاہ رہی ہے، اس وقت ہمیں بھی اس کا فائدہ ہے کہ اپوزیشن کو انگیج کریں، عمران خان نے کہا کہ آؤ لے کر آؤ تجاویز، ہم آپ کے ساتھ میثاق معیشت کرتے ہیں، عمران خان نے الٹا ان کو ٹریپ کر لیا، جب وہ ٹریپ ہو گئے تو انہیں بھاگنے کا رستہ نہیں مل رہا تو بھاگنے کے لیے انہوں نے مریم نواز کو چنا اور مریم نواز کو کہا کہ آپ پریس کانفرنس کرکے اس کو مذاق قرار دے دیں، ہماری بے عزتی روز ہوتی ہے یہ بھی ہو جائے گی لیکن عمران خان سے ہماری جان چھڑاؤ وہ اس پر پکڑ رہا ہے، سینئر تجزیہ کار نے کہا کہ معاملہ یہ ہے کہ عمران خان یہ سیکھ گیا ہے کہ یہ کیسے دانہ ڈالتے ہیں اور کیسے جال ڈالتے ہیں، اب وہ انہی کی گیم ان کے ساتھ کھیل رہا ہے۔

موضوعات:عمران خان