اسلام آباد(آن لائن) زرداری ہاؤس میں اپوزیشن جماعتوں کا ملن، بڑے میز بانوں کے خاص مہمانوں کے لئے لذیز اور شاندار پکوانوں کا اہتمام کیا گیا ۔ افطار ڈنر میں خاص مہمانوں کی پسند کے کھانے اور سندھ کی خاص سوغات ، دستر خوان کی زینت بنی، جبکہ نمکین گوشت، بریانی قورمہ، پالک پنیر، دہی بھلے، فروٹ چاٹ، پکوڑے اور شربت سے تواضع کی گئی میڈیا رپورٹس کے مطابق اتوار کے روز بلاول بھٹو کی جانب سے اپوزیشن رہنماؤں کے لئے افطار ڈنر کا اہتمام کیا گیا جس میں خاص مہمانوں کے لئے
انواع و اقسام کے کھانے اور سندھ کی خاص سوغات بھی تیار کی گئی، افطار ڈنر میں روایتی حریف مسلم لیگ ن کے قائد نواز شریف کی صاحبزادی مریم نواز اور حمزہ شہباز بھی شریک ہوئے مہمانوں کے لئے ان کی پسند کے کھانے خصوصی طور پر تیار کئے گئے۔ مینیو میں نمکین گوشت، بریانی، قورمہ پالک پنیر، دہی بھلے، فروٹ چاٹ، پکوڑے اور دیگر انواع واقسام کے کھانے تیار کئے گئے۔ شاندار پکوان میں شامل لذیز کھانے اور سندھ کی خاص سوغات زرداری ہاؤس میں ہی تیار کئے گئے۔
