اسلام آباد (مانیٹرنگ ڈیسک) زرداری ہاؤس اسلام آباد میں بلاول بھٹو کے افطار کے پریس کانفرنس کے بعد جب ایک صحافی نے مریم نواز سے بلاول بھٹو سے پہلی ملاقات اور میثاق جمہوریت کے حوالے سے سوال کیا تو انہوں نے کہا کہ بلاول بھٹو کے ساتھ یہ پہلی ملاقات نہیں، بلاول بھٹو اپنے والد کے ساتھ میری والدہ کی تعزیت کے لیے رائے ونڈ آئے تھے،

میثاق جمہوریت کا یہ فائدہ ہوا کہ دو جمہوری حکومتوں نے مدت پوری کی۔ میثاق جمہوریت میں مزید چیزیں شامل کریں گے اور آگے لے کر چلیں گے۔نیب مخصوص احتساب کر رہا ہے، نیب کو ان کے فلیٹس نظر نہیں آ رہے جن کے لیے ایمنسٹی سکیم لائی جا رہی ہے، نیب کی حقیقت کھل کر سامنے آ چکی ہے، نیب کو اپوزیشن کو دبانے کے لیے استعمال کیا جا رہا ہے۔ واضح رہے کہ افطار کے موقع پر بلاول بھٹو زرداری نے مریم نواز سے میاں نواز شریف کی صحت کے بارے میں دریافت کیا تو انہوں نے بتایا کہ ان کے والد کی طبیعت ٹھیک نہیں تاہم وہ اپنے نظریے پر مضبوطی سے جمے ہوئے ہیں۔ذرائع کے مطابق بلاول نے کہا کہ نیب کسی کی کٹھ پتلی بنا ہوا ہے۔ پاکستان مسلم لیگ (ن)کی نائب صدر مریم نواز نے بلاول بھٹو زداری کا افطار ڈنر میں دعوت دینے پر شکریہ ادا کیا۔ذرائع کے مطابق پیپلزپارٹی کے چیئر مین بلاول بھٹو زرداری کی جانب سے اپوزیشن رہنماؤں کودیئے گئے افطار ڈنر کے موقع پر مسلم لیگ (ن)کی مرکزی رہنما مریم نواز نے بلاول بھٹو زرداری سے ملاقات بھی کی،ملاقات میں مریم اورنگزیب،حمزہ شبہاز اور نیئر بخاری بھی شریک تھے۔بلاول بھٹو زرداری نے زرداری ہاؤس آمد پر مریم نواز کوخوش آمدیدکہا جبکہ مریم نواز نے بلاول بھٹو زرداری کا افطار ڈنر میں دعوت دینے پر شکریہ ادا کیا۔

موضوعات:مریم نواز کا حیرت انگیز انکشاف