اسلام آباد(آن لائن) زرداری ہاؤس میں ہونے والے اپوزیشن رہنماؤں کے اجلاس کی اندرونی کہانی سامنے آ گئی قبل از وقت انتخابات، قومی حکومت کے قیام اور حکومت مخالف تحریک کے لئے وقت کے تعین پر غور کیا گیا۔ حمزہ شہباز کا چیئر مین نیب کے انٹر ویو میں جانبداری کا الزام، مریم نواز نے شرکاء کو نواز شریف کی صحت سے متعلق آگاہ کیا جبکہ بلاول بھٹو زرداری نے نواز شریف کے لئے نیک تمناؤں کا اظہار کیا۔ میڈیا رپورٹس کے مطابق اتوار کے روز پیپلزپارٹی کے چیئر مین بلاول بھٹو زرداری کی جانب سے اپوزیشن جماعتوں کے رہنماؤں کے لئے
افطار ڈنر کا اہتمام کیا گیا۔ افطار ڈنر سے قبل ہونے والے اجلاس کی اندرونی کہانی سامنے آ گئی ہے اجلاس میں مبینہ طور پر قبل از وقت انتخابات یا قومی حکومت کے قیام کے مطالبے اور حکومت مخالف تحریک چلانے کے لئے وقت کا تعین پر غور کیا گیا۔ اجلاس میں مریم نواز نے مسلم لیگ ن کے قائد نواز شریف کی صحت کے بارے میں آگاہ کیا جبکہ حمزہ شہباز نے چیئر مین نیب کے حالیہ انٹر ویو میں شہباز شریف سے متعلق متنازعہ باتوں سے جانبداری کے تاثر پر تبادلہ خیال کیا۔ بلاول بھٹو زرداری نے نواز شریف کے لئے نیک تمناؤں کا ا ظہار کیا۔
