اسلام آباد (این این آئی) وفاقی وزیر منصوبہ بندی خسروبختیار نے کہا ہے کہ زمینی حقائق تبدیل ہو چکے ہیں ، بہاولپور صوبہ نہیں بن سکتا ۔ ایک انٹرویو میں وزیر منصوبہ بندی مخدوم خسرو بختیار نے بہاولپور صوبے پر بات کرتے ہوئے کہا کہ (ق )لیگ کے طارق بشیر چیمہ کی اپنی سیاست ہے تاہم زمینی حقائق تبدیل ہو چکے، بہاولپور صوبہ نہیں بن سکتا۔انہوں نے کہا کہ ن لیگ اب جنوبی پنجاب کے
صوبے کی حمایت کرے اور رکاوٹیں پیدا نہ کرے۔مخدوم خسرو بختیار نے آئی ایم ایف کی تمام شرائط سے لاعلمی کا اظہار کرتے ہوئے کہا کہ ترقیاتی بجٹ کی حد تک تفصیلات جلد سامنے آجائیں گی۔دفاعی بجٹ پر بات کرتے ہوئے وفاقی وزیر نے کہا کہ آئی ایم ایف پروگرام کے باوجود دفاعی بجٹ میں اضافہ کر رہے ہیں۔انہوں نے کہاکہ ترقیاتی پروگرام 600 سے 900 ارب روپے تک بڑھایا جائے گا۔
