اسلام آباد (نیوزڈیسک) وزیراعظم کی سٹیزن پورٹل ایپ کا جادوئی اثر، شہری نے پلاٹ پر قبضے کی شکایت کی اورمختصر ترین وقت میں ایسا کام ہوگیا کہ وہم و گمان میں بھی نہ ہوگا،تفصیلات کے مطابق وزیراعظم آفس کے احکامات نظر انداز کرنے پر سی ڈی افسر معطل کر دیا گیا۔ میڈیا رپورٹ کے مطابق وزیراعظم آفس نے احکامات نظر انداز کرنے والے سینئر افسر کے خلاف انکوائری کا حکم دے دیا۔
شہری شباب حیدر نے پلاٹ کا قبضہ نہ دینے سے متعلق وزیراعظم سیٹیزن پورٹل میں شکایت کی تھی۔پورٹل پر شکایت ملنے کے بعد سی ڈی اے کو فوری معاملہ حل کرنے کی ہدایت کی گئی تھی۔ اپریل کی جاری ہدایات پر عمل نہ ہونے پر شہری نے دوبارہ شکایت کی۔ دوبارہ شکایت پر شہری کو پلاٹ پر قبضے کا لیٹر جاری کر دیا گیا۔احکامات نظر اندازکرنے والے متعلقہ افسرکو بھی معطل کردیا گیا۔
