اسلام آباد (این این آئی) پاکستان پیپلز پارٹی کے رہنما سعید غنی نے کہاہے کہ شیخ رشید پرویز مشرف کی چاپلوسی نہ کرتے تو گوانتا موبے میں ہوتے۔ ایک بیان میں سعید غنی نے کہاکہ شیخ رشید میڈیا میں زندہ رہنے کے لئے آصف زرداری پر تنقید کرتے ہیں۔سعید غنی نے کہاکہ شیخ رشید پرویز مشرف کی چاپلوسی نہ کرتے تو گوانتا موبے میں ہوتے۔

انہوں نے کہاکہ  پشاور روڈ راولپنڈی سیاسی بھکاریوں سے پاک ہونا چاہئے۔انہوں نے کہاکہ جمائما نے سو کنال زمین عمران خان کے منہ پر مار کر جان چھڑائی۔سعید غنی نے کہاکہ قوم  جانتی ہے شیخ رشید کی لگام کس کے ہاتھ میں ہے۔دریں اثناء پاکستان پیپلزپارٹی کے سیکرٹری خزانہ حیدرزمان قریشی نے کہا ہے کہ پاکستان میں آئی ایم ایف کی ٹیم آئی ایم ایف سے مذاکرات کررہی ہے،پاکستان پیپلزپارٹی پارلیمان سے منظوری کے بغیر آئی ایم ایف سے ڈیل نہیں مانے گی۔ ایک بیان میں حیدرزمان قریشی نے کہا کہ وزارت خزانہ کے اہم افسران آئی ایم ایف سے مذاکرات سے لاتعلق رکھے گئے ہیں۔حیدرزمان قریشی نے کہا کہ آئی ایم ایف سے ڈیل ہوچکی، حکومت عوام پر مزید مہنگائی کا بم رمضان میں ہی گرادے گی۔حیدرزمان قریشی نے کہاکہ پاکستان پیپلزپارٹی پارلیمان سے منظوری کے بغیر آئی ایم ایف سے ڈیل نہیں مانے گی۔ حیدرزمان قریشی نے کہاکہ آئی ایم ایف سے ڈیل پر عوام سے کیا جھوٹ بولا جائے گا، اس پر آج وزیراعظم ہاؤس میں ٹریننگ سیشن ہے۔حیدرزمان قریشی نے کہاکہ آئی ایم ایف سے ڈیل پر جھوٹ بولنے کے ٹریننگ سیشن کی سربراہی وزیراعظم کریں گے۔حیدرزمان قریشی نے کہاکہ پاکستان پیپلزپارٹی جلد آئی ایم ایف سے ہونے والی حقیقی ڈیل کی تفصیلات سامنے لائے گی

موضوعات:سعید غنی