اسلام آباد(آن لائن) وزیرمملکت برائے محصولات حماد اظہر نے سابق وزیر خزانہ مفتاح اسماعیل کے ٹویٹ پر ردِ عمل دیتے ہوئے کہا ہے کہ رواں مالی سال کا بیرونی قرضہ گزشتہ سال کی نسبت آدھا ہے، انہوں نے کہا کہ رواں مالی سال کے جتنے ماہ میں پاکستان تحریک انصاف حکومت نے جتنے اندرونی اور بیرونی قرضے لیے ہیں
اتنے ہی قرضے گزشتہ مالی سال کے اتنے ماہ میں لیے گئے تھے۔حماد اظہر نے ٹویٹر پیغام میں کہا ہے کہ حیرت کی بات ہے کہ جن دو جماعتوں نے ملک کا قرضہ 6ارب ڈالر کے قرضے کو 28ارب ڈالر تک پہنچانے والے آج پی ٹی آئی حکومت کو سکھا رہے ہیں۔انہوں نے طنز کرتے ہوئے کہا کہ اگر ن لیگ کے دور میں معیشت اتنی ہی اچھی تھی تو ن لیگ آئی ایم سے بیل آؤٹ پیکج کیوں مانگ رہی تھی۔حماد اظہر نے اپنے ٹویٹر پیغام میں انکشاف کیا ہے کہ ن لیگ حکومت آئی ایم ایف سے بیل آؤٹ پیکج اس لیے مانگ رہی تھی کیونکہ اس وقت کرنٹ اکاؤنٹ خسارہ2.5ارب ڈالرسے 19ارب ڈالر تک پہنچ چکا تھا۔ملک کے غیر ملکی کرنسی کے ذخائر میں ہر مہینے 50 کروڑ ڈالر کی کمی ہو رہی تھی۔ اس سے پہلیمسلم لیگ کے مرکزی رہنماء اور سابق وزیرخزانہ مفتاح اسماعیل نے کہا تھا کہ پی ٹی آئی حکومت 2700 ارب خسارے میں ہے، یہ سچ نہیں پی ٹی آئی سابقہ حکومتوں کا قرضہ چکا رہی ہے، سرکاری اخراجات میں کمی بھی نہیں کی گئی، رواں سال قرضوں کا حجم40 سالوں کے قرضوں سے زیادہ ہوجائے گا۔ ن لیگی رہنماء مفتاح اسماعیل نے تحریک انصاف کی حکومت کے معاشی بدحالی سے متعلق اپنے ٹویٹ میں کہا کہ یہ سچ نہیں کہ تحریک انصاف کی حکومت سابقہ حکومتوں کا قرضہ چکا رہی ہے۔ حماد اظہر نے سابق وزیر خزانہ مفتاح اسماعیل کے ٹویٹ پر ردِ عمل دیتے ہوئے کہا ہے کہ رواں مالی سال کا بیرونی قرضہ گزشتہ سال کی نسبت آدھا ہے
