گوادر(نیوزڈیسک)پاکستان کے اہم شہر میں پی سی ہوٹل پر دہشت گردوں کا حملہ،شدید فائرنگ، ہلاکتوں کی اطلاعات، تفصیلات کے مطابق گوادر کے نجی ہوٹل میں دہشتگردوں نے حملہ کر دیا ہے، دہشت گردوں کو روکنے والا داخلی راستے پر موجود سکیورٹی گارڈ شہید ہوگیاہے جبکہ  سکیورٹی فورسز نے علاقے کو گھیرے میں لے لیاہے،

آئی ایس پی آر کے مطابق دہشتگردوں کو دیکھ کر سکیورٹی گارڈ نے انہیں للکارا جس پر دہشتگردوں نے گارڈ پر فائرنگ کر دی جس سے وہ موقع پر شہید ہو گیا۔ فورسز نے دہشتگردوں کو ایک مقام پر تک محدود کر دیا ہے جبکہ کلیئرنس آپریشن جاری ہے۔دہشتگردوں کے پاس دستی بم بھی موجود ہیں، ہوٹل سے تمام افراد کو بحفاظت نکال لیا گیا۔ دہشتگردوں اور سکیورٹی فورسز کے درمیان مقابلہ ابھی جاری ہے۔بلوچستان کے وزیر داخلہ میر ضیا اللہ لانگو نے بتایا ہے کہ گوادر میں پرل کانٹینینٹل ہوٹل کی عمارت میں سکیورٹی فورسز نے تینوں حملہ آوروں کو ہلاک کر دیا ہے۔اس سے پہلے پاکستانی فوج کے شعبہ تعلقات عامہ آئی ایس پی آر کے مطابق تین شدت پسندوں نے پی سی گوادر میں گھسنے کی کوشش کی جس کے دوران داخلی راستے پر موجود گارڈ نے مزاحمت کی تاہم فائرنگ کے نتیجے میں گارڈ کو ہلاک کر دیا گیا۔ آئی ایس پی آر کے مطابق شدت پسندوں کو سکیورٹی فورسز نے ہوٹل کی اوپر والی منزل کی طرف جانے والی سیڑھیوں میں گھیرے میں لے رکھا ہے اور آپریشن جاری ہے۔بعض افراد کے زخمی ہونے کی بھی اطلاعات ہیں،بلوچ عسکریت پسند تنظیم بلوچستان لبریشن آرمی نے گوادر حملے کی ذمہ داری قبول کی ہے، بی ایل اے کے ترجمان جیئند بلوچ نے ایک بیان میں کہا ہے کہ مجید برگیڈ کے فریڈم فائٹرز نے پی سی ہوٹل میں گھس کر حملہ کیا جہاں چینی اور دیگر سرمایہ کاروں نے رہائش اختیار کی ہوئی ہے۔

موضوعات:پی سی ہوٹل پر دہشت گردوں کا حملہ