اسلام آباد (مانیٹرنگ ڈیسک) پاکستان اور آئی ایم ایف کے درمیان 12 روز سے جاری مذاکرات کسی حتمی نتیجے پر نہ پہنچ سکے، نجی ٹی وی ذرائع کا کہناہے کہ اب مذاکرات مزید دو روز تک جاری رہیں گے،  ترجمان وزارت خزانہ کا کہنا ہے کہ آئی ایم ایف اور پاکستان میں ہونے والی بات چیت اب مزید دو روز تک جاری رہے گی،

واضح رہے کہ اس سے قبل نجی ٹی وی چینل نے ہی یہ خبر دی تھی کہ پاکستان اور آئی ایم ایف کے درمیان مذاکرات ختم ہو گئے، پاکستان نے آئی ایم ایف کی تمام شرائط مان لیں، نجی ٹی وی چینل کے ذرائع کا کہنا تھا کہ آئی ایم ایف سے معاہدے سے متعلق اعلان کسی بھی وقت متوقع ہے۔ دریں اثناء ایک نجی ٹی وی چینل کی رپورٹ کے مطابق پاکستان اور بین الاقوامی مالیاتی فنڈ (آئی ایم ایف) کے درمیان مذاکرات میں پیش رفت ہوئی ہے امید ہے کہ پیر تک صورتحال واضح ہو جائے گی۔ ترجمان وزارت خزانہ کے مطابق پاکستان اور بین الاقوامی مالیاتی فنڈ(آئی ایم ایف) کے درمیان مذاکرات میں پیش رفت ہوئی ہے تاہم مذاکرات اتوار تک جاری رہیں گے امید ہے کہ سوموار تک صورتحال تک واضح ہو جائے گی۔آئی ایم ایف کی کڑی شرائط پر وزیراعظم کا عدم اعتماد، ٹیکس چھوٹ کے معاملے پر آئی ایم ایف سے مزید رعایت حاصل کرنے کا مطالبہ کر دیا، حکومت کڑی شرائط ماننے پر تیار لیکن آئی ایم ایف کا ڈومور کا مطالبہ، وزیراعظم عمران خان نے آئی ایم ایف اور وزارت خزانہ سٹال لیول معاہدے کا مسودہ مسترد کر دیا، آئی ایم ایف کا پاکستانی اقدامات پر عدم اعتماد کا اظہار، وزیراعظم نے مالیاتی معاملات پر اہم اجلاس پیر کو طلب کر لیا ہے، مشیر خزانہ عبدالحفیظ شیخ اور متعلقہ حکام بریفنگ دیں گے، کابینہ ارکان کو بھی اجلاس میں مدعو کیا گیا ہے، وزیراعظم عمران خان نے کہا ہے کہ آئی ایم ایف سے مزید رعایت لی جائے۔

موضوعات:پاکستان اور آئی ایم ایف