اسلام آباد(آن لائن) سابق صدر آصف علی زرداری نے جعلی اکاؤنٹس کیس میں احتساب عدالت میں پیشی کے موقع پر کہا ہے کہ عید وہاں گزرے گی جہاں جج گزارنے دیں گے۔ جمعرات کے روز  احتساب عدالت اسلام آباد میں جعلی اکاؤنٹس کیس کی سماعت ہوئی تو آصف علی زرداری اور فریال تالپور سمیت 30 ملزمان پیش ہوئے۔ دوسری جانب آصف علی زرداری نے آج نیب آفس میں پیش ہونے سے معذرت کرلی۔ آصف علی زرداری نے تحریری درخواست دائر کرتے ہوئے نیب میں پیشی سے مہلت مانگتے ہوئے کہا کہ احتساب عدالت میں

مصروف ہوں اس لیے پیش نہیں ہو سکتا۔ احتساب عدالت میں پیشی کے بعد آصف علی زرداری سے صحافیوں نے پوچھا کہ آپ پر نئے نئے مقدمات بنائے  جارہے ہیں  اس  پر کیا کہیں گے؟ جس پر  آصف علی زرداری نے جواب دیا کہ  یہ سب رمضان کی برکتیں ہیں۔صحافی کے    عید کہاں گزار نے کے سوال  پر آصف علی زرداری کا کہنا تھا کہ جہاں جج گزارنے دیں گے۔جب ان سے پوچھا گیا کہ میاں صاحب دوبارہ جیل چلے گئے ہیں آپ ا ن سے ملنے جائیں گے جس پر آصف زرداری نے کہا کہ  ”کیوں“ ملنے جاؤں۔

موضوعات:آصف علی زرداری