اسلام آباد (این این آئی)الیکشن کمیشن نے 81 سیاسی جماعتوں کے اثاثوں کی تفصیلات جاری کردیں جس کے مطابق حکمران جماعت تحریک انصاف امیر ترین سیاسی جماعت بن کر سامنے آ گئی۔ دستاویز کے مطابق تحریک انصاف 31 کروڑ 66 لاکھ روپے مالیت کے اثاثوں کی مالک نکلی۔دستاویزات کے مطابق تحریک انصاف کے اثاثوں میں ایک سال کے اندر 22 کروڑ روپے کا اضافہ ہوا۔
عمران خان کے سرٹیفکیٹ کے مطابق تحریک انصاف نے ممنوعہ فنڈنگ وصول نہیں کی۔دستاویزکے مطابق تحریک انصاف نے سمندرپارپاکستانیوں سے 6 کروڑ 58 لاکھ روپے سے زائد کے فنڈز لیے۔دستاویز ات کے مطابق تحریک انصاف نے ایک کروڑ 26 لاکھ امریکہ میں مقیم سمندرپارپاکستانیوں سے وصول کیے۔دستاویزات کے مطابق تحریک انصاف نے 4 کروڑ 92 لاکھ روپے سے زائد کا فنڈ برطانیہ میں مقیم سمندرپارپاکستانیوں سے وصول کیا۔دستاویزات کے مطابق تحریک انصاف نے پارٹی کے 6 اکاونٹس الیکشن کمیشن میں ظاہر کیے،مسلم لیگ ن کے اثاثوں کی مالیت 25 کروڑ 33 لاکھ 77 ہزار 955 روپے نکلی۔ دستاویزات کے مطابق مسلم لیگ ن نے پارٹی ٹکٹس 11 کروڑ 97 لاکھ میں دئیے۔دستاویز کے مطابق ایک سال میں ن لیگ کے اثاثوں میں 2 کروڑ سے زائد کا اضافہ ہوا،پاکستان پیپلزپارٹی پارلیمنٹرین کے پاس 16 کروڑ 70 لاکھ روپے سے زائد کا بینک بیلنس ہے۔دستاویزات کے مطابق پاکستان پیپلزپارٹی نے 9 کروڑ 37 لاکھ سے زائد ٹکٹوں کی مد میں وصول کیے۔دستاویزات کے مطابق تحریک لبیک پاکستان کو چندے کی مد میں 50 لاکھ روپے ملے، مسلم لیگ ق 4 کروڑ 99 لاکھ روپے سے زائد مالیت کے اثاثوں کی مالک ہے۔دستاویزات کے مطابق شیخ رشید کی عوامی مسلم لیگ غریب ترین سیاسی جماعتوں میں شامل ہیں عوامی مسلم لیگ صرف 1 لاکھ 38 ہزار روپے اثاثوں کی مالک ہے ،ایم کیو ایم پاکستان کو ایک کروڑ 75 لاکھ روپے کا چندہ ملا۔دستاویزات کے مطابق جماعت اسلامی 10 کروڑ 63 لاکھ روپے کے اثاثوں کی مالک ہے۔
