اسلام آباد(مانیٹرنگ ڈیسک)بانی پاکستان قائداعظم محمد علی جناح کی وفات کی وجہ کینسر یا ٹی بی؟عمران خان نے اپنے بیان سے نئی بحث چھیڑ دی۔میڈیا رپورٹس کے مطابق وزیر اعظم نے ایچی سن کالج لاہور میں تقریر کے دوران کہا تھا کہ قائداعظم کینسر کے مرض میں مبتلا رہے لیکن انہوں نے کسی کو پتہ نہیں چلنے دیا تاکہ کہیں دشمن قیام پاکستان کی راہ میں نہ حائل ہوجائیں۔سوشل میڈیا پر کسی نے وزیراعظم کے تاریخ اور حافظے پر تنقید کے
وار کئے تو کسی نے اسے ایک بار پھر ان کا سلپ آف ٹنگ قرار دیدیا۔ایک خاتون نے کہا کہ کوئی وزیراعظم کو یاد دلائے کہ بانی پاکستان کی وفات کینسر نہیں ٹی بی سے ہوئی،دشمنوں کو تو یاد ہے،غالباً عمران خان خود بھول گئے ۔ایک صاحب نے انٹرنیٹ پر موجود تاریخ کے مواد کا حوالہ دیتے ہوئے دعویٰ کیا کہ قائداعظم کو پھیپھڑوں کا کینسر تھا،۔واضح رہے کہ اس سے پہلے بھی وزیر اعظم عمران خان اپنے بیانا ت کی وجہ سے ہدف تنقید بنتے رہے ہیں ۔
