اسلام آباد(مانیٹرنگ ڈیسک) صوبائی دارالحکومت کراچی میں لڑکیوں کو ہراساں کرنے والا معمر شخص گرفتار۔نجی ٹی وی کے مطابق ایف آئی اے نے کراچی میں کارروائی کرتے ہوئے لڑکیوں کو امتحانات میں پاس کروانے اور نوکریوں کا جھانسہ دے کر بلیک میل کرنے والے معمر شخص کو حراست میں لے لیا ۔ملزم جہانگیر نے سوشل میڈیا پر کئی جعلی آئی ڈیز بنا رکھی ہیں جو خود کو اعلیٰ سرکاری افسر سمیت مختلف عہدوں پر فائز ظاہر کیا کرتا تھا۔
حکام نے بتایا کہ ملزم معصوم لڑکیوں کو جھوٹے مقدمات کے ذریعے بھی ہراساں کرتا تھا۔ ملزم برسوں سے اس مذموم کام میں ملوث تھااوراس کے خلاف کئی شکایات موصول ہوچکی تھیں۔ ملزم جہانگیراپنا شکار ہونے والی لڑکیوں کی تصاویر اور ویڈیوز بناکر بلیک میل کرتا تھا۔ملزم کو تکنیکی تحقیق کے بعد گرفتار کیا گیا ۔واضح رہے کہ ماضی میں ایسی کئی واقعات سامنے آچکے ہیں ،والدین کو چاہئے کہ وہ اپنی اولاد کو ایسے افراد سے بچانے کیلئے ان پر نظر رکھیں۔
