وزارت داخلہ نے شاہد خاقان عباسی اور مفتاح اسماعیل سمیت کن سات اہم ترین افراد کے نام ای سی ایل میں ڈال دیئے

  جمعہ‬‮ 26 اپریل‬‮ 2019  |  15:14

اسلام آباد (این این آئی)وزارت داخلہ نے نیب کی درخواست پر سابق وزیراعظم شاہد خاقان عباسی اور مفتاح اسماعیل سمیت 7 افراد کے نام ای سی ایل میں ڈال دئیے۔میڈیا رپورٹ کے مطابق قومی احتساب بیورو (نیب) نے 7 افراد کو بیرون ملک جانے سے روکنے کے لیے ان کے نام ایگزٹ کنٹرول لسٹ (ای سی ایل) میں ڈالنے کی سفارش کی تھی۔ وزارت داخلہ کی جانب سے نیب کو باقاعدہ ایک خط بھیجا گیا جس میں بھیجے گئے تمام نام ای سی ایل میں ڈالنے سے آگاہ کیا گیا ۔وزارت داخلہ کے خط میں بتایا گیا کہ احتساب بیورو کی


درخواست پر 7 افراد کے نام ای سی ایل میں ڈالے گئے ہیں جن میں سابق وزیراعظم اور مسلم لیگ (ن) کے رہنما شاہد خاقان عباسی، (ن) لیگی رہنما اور سابق وزیر خزانہ مفتاح اسماعیل کے نام بھی شامل ہیں،اس کے علاوہ مبین صولت، شاہد اسلام الدین، عمران الحق، عظمیٰ عادل خان اور عامر نسیم کا نام بھی ای سی ایل میں ڈالا گیا ہے۔واضح رہے کہ سابق وزیراعظم شاہد خاقان عباسی اور مفتاح اسماعیل کے خلاف نیب کی تفتیشی ٹیم ایل این جی کیس کی تحقیقات کررہی ہے، اس سلسلے میں شاہد خاقان کئی مرتبہ نیب میں پیش بھی ہوچکے ہیں ، مفتاح اسماعیل نے عدالت سے عبوری ضمانت بھی حاصل کررکھی ہے۔

موضوعات:

loading...