راولپنڈی (این این آئی)سی پی او راولپنڈی اور تحریک انصاف کے رہنما اعجاز خان جازی آمنے سامنے آگئے ،سی پی او راولپنڈی نے تحریک انصاف کے ایم پی اے اعجاز خان جازی کو رشوت کا الزام عائد کرنے پر 10 کروڑ ہرجانے کا نوٹس بھجوا دیا ہے۔میڈیا رپورٹ کے مطابق سی پی او راولپنڈی نے تحریک انصاف کے ایم پی اے کو 10 کروڑ کا قانونی نوٹس بھجوایا ہے جس میں
رشوت لینے کے الزام پر معافی مانگنے کا مطالبہ کیا گیا ۔ نوٹس میں کہا گیا کہ حکومتی ایم پی اے اعجاز خان جازی نے بے بنیاد الزامات لگائے جن سے عزت نفس کو ٹھیس پہنچی۔ انہوں نے کہاکہ معافی نہ مانگنے پر قانونی کارروائی کا حق محفوظ رکھتے ہیں۔یاد رہے کہ رکن اسمبلی اعجاز خان جازی نے سی پی او راولپنڈی عباس احسن پر رشوت کا الزام لگایا تھا۔
