اسلام آباد (این این آئی)الیکشن کمیشن ارکان کی تقرری کے معاملے پر اپوزیشن نے خطوط کے ذریعے معا ملہ آگے بڑھانے سے انکار کردیا۔ ایک بیان میں سید خورشید شاہ نے کہاکہ عمران خان مودی کے ساتھ بیٹھ سکتے ہیں تو اپوزیشن لیڈر کے ساتھ کیوں نہیں؟ ۔خورشید شاہ نے کہاکہ وزیراعظم اختلافات کو دور رکھ کر برائے راست رابطہ کریں۔خورشید شاہ نے کہاکہ وزیراعظم کو برائے راست اپوزیشن لیڈر سے رابطہ کرنا چاہئے۔خورشید شاہ نے کہاکہ عمران خان پاکستان کے دشمن کے ساتھ
بیٹھ سکتے ہیں تو اپوزیشن سے اختلافات اور چیز ہے۔انہوںنے کہاکہ وزیراعظم ارکان کی تقرری کے معاملے پر آئین کی خلاف ورزی کر رہے ہیں۔انہوںنے کہاکہ وزیراعظم نے خود کہا کہ مودی کو چھ مرتبہ فون کیا۔انہوںنے کہاکہ سیاست میں اختلافات ہوتے رہتے ہیں۔انہوںنے کہاکہ کبھی بھی سیاست ذاتی انا کے اوپر نہیں ہوتی۔انہوںنے کہاکہ مناسب نہیں کہ ناموں کے لئے کسی وزیر کی ڈیوٹی لگائی جائے۔انہوںنے کہاکہ ہم نے واضح طور پر اس طرح سے آگے بڑھنے سے انکار کردیا ہے۔
