اسلام آباد ( آ ن لائن) سعودی ولی عہد محمد بن سلمان کے دورہ پاکستان کے دوران مہمان نوازی کرنے والے ملازمین و افسران میں ایک کروڑ روپے اعزازی تنخواہ دیئے جانے کا انکشاف ہوا ہے ۔ تفصیلات کے مطابق سعودی ولی عہد محمد بن سلمان نے گزشتہ ماہ پاکستان کا دورہ کیا اور ان کو ان کے شایان شان پروٹوکول دیا گیا۔سعودی ولی عہد محمد بن سلمان کے شاہی دورے
کے لیے 300 پراڈو گاڑیوں کا انتظام کیا گیا۔سعودی ولی عہد کے ساتھ ایک ہزار سے زائد مہمان تشریف لائے۔سعودی شاہی مہمانوں کے لیے 8 ہوٹلوں میں 750 کمرے بک کیے گئے۔ میڈیا رپورٹ کے مطابق سعودی ولی عہد کے دورہ کے بہترین انتظام پر انعام کے طور پر وزیراعظم آفس کے افسران و ملازمین کو ایک کروڑ روپے کے قریب اعزازی تنخواہ دینے کا انکشاف ہوا ہے۔
