حیدر آباد ٹاؤن(اے این این) انسداد دہشت گردی سرگودھا کی خصوصی عدالت میں ریاستی اداروں کیخلاف اشتعال انگیز تقاریر کرنے پر مسلم لیگ ن کے رکن قومی اسمبلی حامد حمید سمیت 9 کارکنوں کی درخواست ضمانت خارج کردی۔ ملزم عدالت میں پیش نہیں ہوئے۔پولیس ذرائع کے مطابق تھانہ کینٹ پولیس نے 25 جولائی 2017 کو ریاستی اداروں کیخلاف اشتعال انگیز تقاریر کرنے کا مقدمہ درج کیا تھا اور ملزمان نے انسداد دہشت گردی کی خصوصی عدالت سے

عبوری ضمانت کروارکھی تھی۔ جمعہ کو عدالت میں چوہدری حامد حمید اور ان کے 9 ساتھی پیش نہیں ہوئے جس پر ان کی درخواست ضمانت خارج کردی گئی۔ جبکہ سابق رکن پنجاب اسمبلی عبدالرازق ڈھلوں ، سابق تحصیل ناظم الیاس بیگ ، پرنس عبدالخاق اور شریف دھوبا نامی لیگی کارکنوں کی ضمانت منظور کر لی گئی۔ پولیس کا کہنا ہے چوہدری حامد حمید سمیت جن لیگی کارکنوں کی ضمانت خارج ہوئی ہیں ان کی گرفتاری کے لئے چھاپے مار رہے ہیں